NORVERGJI – Pesë persona janë vrarë dhe dy të tjerë janë plagosur në një sulm në qytetin Kongsberg, në Oslo ditwn e djeshme pasi një person përdori një hark dhe shigjetë për t’i sulmuar.
Sipas BBC, një danez i moshës 37-vjeçare është arrestuar nën dyshimin për kryerjen e sulmit. Policia beson se ai ka vepruar i vetëm dhe do të hetojë nëse ishte një akt terrorizmi. Kryeministrja Erna Solberg tha se raportet për incidentin ishin tmerruese.
“Unë e kuptoj që shumë njerëz kanë frikë, por është e rëndësishme të theksohet se policia tani është në kontroll,” tha ajo në një konferencë shtypi para se të largohej nga zyra.
Sulmuesi thuhet se ka nisur sulmin brenda një supermarketi “Coop Extra” në anën perëndimore të Kongsberg. Një nga të plagosurit ishte një oficer policie jashtë detyrës i cili ishte në dyqan në atë kohë.
Një zëdhënës më vonë konfirmoi një “incident të rëndë” në dyqanin e tyre, duke shtuar se asnjë nga stafi i tyre nuk u lëndua fizikisht, por kishte dëgjuar disa të bërtitura dhe më pas pa një grua që po mbulonte fytyrë.
“Një burrë po qëndronte në cep të rrugës me një shigjetë me hark në duart e tij. Më pas pashë njerëz që vraponin për të shpëtuar jetën e tyre. Njëra prej tyre ishte edhe një grua që po mbante një fëmijë përdore”, u shpreh ai.
Shefi i policisë lokale Oyvind Aas konfirmoi se sulmuesi kishte arritur t’i shpëtonte një konfrontimi fillestar me policinë para se një arrestim të bëhej përfundimisht në orën 18:47, 34 minuta pasi filloi sulmi.
