SHBA- Presidenti i SHBA Joe Biden foli me homologun e tij ukrainas Volodymyr Zelenskyy për të marrë një informacion mbi zjarrin në termocentralin bërthamor Zaporizhzhia dhe i kërkoi Rusisë të ndërpresë aktivitetet e saj ushtarake në zonën e prekur dhe të lejojë aksesin e urgjencës në termocentral. Outlookindia shkruan se të enjten, forcat ruse shtynë sulmin e tyre mbi një qytet të rëndësishëm ukrainas që prodhon energji duke bombarduar centralin më të madh bërthamor të Evropës të premten herët, duke shkaktuar një zjarr dhe duke rritur frikën se rrezatimi mund të rrjedhë nga termocentrali i dëmtuar.
“Presidenti Biden iu bashkua Presidentit Zelenskyy për t’i kërkuar Rusisë që të ndërpresë aktivitetet e saj ushtarake në zonë dhe të lejojë zjarrfikësit dhe reaguesit e urgjencës të hyjnë në vend,” tha Shtëpia e Bardhë.
