Zyrat elektorale të dy subjekteve politike në Fier janë sulmuar gjatë natës. Burime nga policia bëjnë me dije se ngjarja ka ndodhur rreth orës 03:00, në lagjen “1 Maj”, në rrugën “Jani Bakall” dhe pranë poliklinikës.
Kanë qenë shërbimet e policisë të cilët kanë konstatuar të dëmtuara me gur dy xhama të zyrave elektorale të dy subjekteve politike. Mësohet se zyrat që janë dëmtuar janë të PS dhe PDIU.
Njoftimi i policisë:
Sot rreth orës 03:00, në lagjen “1 Maj” Fier, në rrugën “Jani Bakalli” dhe pranë poliklinikës, nga ana e shërbimeve të Policisë së rendit, janë konstatuar të dëmtuara me gur dy xhama të zyrave elektorale të dy subjekteve politike.
Grupi hetimor po kryen veprimet për zbardhjen e rrethanave të ngjarjes dhe identifikimin e autorëve.
