Çështja e Super Ligës mbetet ende e nxehtë si temë. Klubet e mbetura si Juventus, Real Madrid dhe Barcelona rrezikojnë ta pësojnë rëndë nga UEFA.
Sipas mediave të ndryshme europiane, të treja klubet do të përfundojnë në Gjykatën Europiane, ku Tribunali i Madridit i ka kërkuar Gjykatës së Drejtësisë së Bashkimit Europian për një vendim zyrtar.
Gjykata e Drejtësisë së BE-së do të duhet të japë interpretimin e rregullave përkatëse në procedurë dhe kjo do të jetë detyrues për gjykatësit kombëtar dhe për të gjithë gjyqtarët e tjerë të cilët do të përballen me një çështje të ngjashme në të ardhmen.
Klubet e Super Ligës pretendojnë se UEFA dhe FIFA kanë një pozitë dominuese dhe abuzive dhe nëse sanksionet e paralajmëruara do të imponoheshin, kjo do të minonte konkurrencën e lirë në territorin e Bashkimit Europian.
Sipas asaj që raportojnë mediat europiane, këto procedura zgjasin me muaj, por nëse çështja do të shqyrtohet urgjentisht atëherë gjithçka do të vendoset përpara rifillimit të sezonit të ri të Champions-it.
