Shërbimi Meterologjik Ushtarak ka bërë parashikimin e motit për javën e ardhshme në vendin tonë. Sipas SHMU, në Mesdhe shihet tendenca e ardhjes së rrymave më të ftohta nga veriu i Europës, ndërsa parashikohet që të ketë reshje shiu në intervale të caktuara. Por gjatë të hënës dhe të enjtes do të kthehen në rebeshje.
Gjatë së enjtes parashikohen reshje debore në veri e verilindje të vendit që përkojnë me dëborën e parë të këtij sezoni. Ndikuar nga temperaturat në rënie, dëbora do të prekë perveç majave të maleve dhe lartësi deri në 900m në këto zona.
Po ashtu, një tipar tjetër i rëndësishëm gjatë javës do të jetë dhe era e vrullshme me drejtim juglindje –verilindje, ndërsa në brigjet detare ajo do të sjellë dhe shtim të dallgëzimit deri 5 ballë.
