Elbasan- Paraditen e sotme një ngjarje ka ndodhur në qytet në lagjen “Emin Matraxhiu”, pranë stadiumit.
Burime nga vendngjarja bëjnë me dije se ka qenë një sherr mes të rinjsh ku më pas arriti në të shtëna armësh mbi automjetin tip ‘Mazda’, teksa ka qenë në lëvizje. Nga të shtënat ka mbetur i plagosur një person, i cili është dërguar menjëherë në spital.
Policia ka shkuar në vend, ndërsa janë ngritur pika kontrolli në gjithë qytetin.
