Përfaqësuesit e shoqërisë civile dhe të forumeve të partive politike kanë nisur sot një protestë simbolike para Ministrisë së Brendshme, pas vrasjes së 25-vjeçarit, Klodian Rasha nga një efektiv policie.
Aktivistët kërkojnë dorëheqjen e Ministrit të Brendshëm, Sandër Lleshaj, për ngjarjen e rëndë të ndodhur në orët e para të të martës. Protestuesit kanë bërë thirrje për “drejtësi për Klodianin”, si dhe thirrje ndaj policëve që të “hiqnin kapelet”!
Minutë pas minute:
18:31Ndërkohë që protestuesit tentojnë të hyjnë në godinën e Kryeministrisë, forcave të Rendit i janë bashkuar Forcat e Ndërhyrjes së Shpejtë. Me shkopinj gome dhe skafandra, ata kanë larguar turmën e të rinjve nga hyrja e godinës, duke i zmbrapsur në sheshin aty pranë. Policia ka përdorur edhe spraj piper për të larguar protestuesit.
18:24 Situata përpara godinës së Kryeministrisë po shoqërohet me momente tensioni. Pasi shembën pemën e Krishtlindjeve, protestuesit po hedhin topat e pemës dhe shishe plastike në drejtim të forcave të rendit. Protesta po shoqërohet edhe me konfrontimeve., nmd
18:05 Prej më shumë se një ore, protestues të shumtë protestojnë përpara ndërtesës së Kryeministrisë për vrasjen e 25 vjeçarit Klodian Rasha. Protestuesit i kanë vënë flakën pemës së Krishtlindjeve përpara ndërtesës qeveritare.
Me thirrje të shumta: “Rama ik”, “Lleshaj ik”, “Hiqni kapelet”, “Poshtë diktatura”, “Duam drejtësi”, protestuesit brohorasin përpara goditës së qeverisë shqiptare.
17:25 Me thirrjet “Duam drejtësi”, protestuesit janë zhvendosur përpara ndërtesës së Kryeministrisë. Policia ka lejuar që qytetarët të protestojnë deri tek dera kryesore. Ndërkohë, një pjesë e protestuesve po qëndrojnë pranë Ministrisë së Brendshme. Protesta e sotme nuk ka organizator dhe është thirrur në rrjetet sociale.
17:10– Disa persona kanë mbetur të lënduar lehtë përpara Ministrisë së Brendshme, ndërsa po zhvillohet një protestë për vrasjen e 25 vjeçarit Klodian Rasha nga ana e një efektivi policie.
Në reshje të vazhduara të shiut, qytetarë të shumtë po zhvendosen nga ndërtesa e Ministrisë së Brendshme.
Përveç protestuesve, të lënduar ka edhe në radhët e forcave të rendit. Ende nuk ka një numër të saktë të të plagosurve.
16:55 – Pasi disa qytetare kane bere thirrje qe protesta per te kerkuar drejtesi per Klodianin te rezisotje, disa te rinj jane perplasur me policine. Ata kane tentuar te futen edhe ne Ministrise e Brendshme, por jane ndaluar nga policet. Me pas ata kane vijuar te hedhin sende te forta ne drejtim te Ministrise.
