Tensione në Brazil pasi mbështetësit e ish-presidentit brazilian të ekstremit të djathtë Jair Bolsonaro kanë sulmuar Kongresin dhe Gjykatën e Lartë dhe kanë rrethuar pallatin presidencial. Sipas mediave lokale janë të pranishëm rreth 3,000 demonstrues.
Skenat dramatike vijnë një javë pasi Luiz Inacio Lula da Silva mundi kundërshtarit të tij Bolsonaro. Ish-presidenti Bolsonaro e ka vënë në dyshim në mënyrë të vazhdueshme rezultatin e zgjedhjeve, por pa ofruar prova. Mbështetësit e Bolsonaro, të cilët refuzojnë të pranojnë se ai humbi zgjedhjet thyen barrierat e policisë në kryeqytetin, Brasilia.
Policia përdori gaz lotsjellës, por nuk arriti t’i zmbrapsë demonstruesit. Protestuesit kanë thyer xhamat, ndërsa të tjerë arritën në dhomën e Senatit, ku u hodhën mbi vendet dhe përdorën stola si rrëshqitje. Është e paqartë nëse ata janë ende në ndërtesë. Shumë po bëjnë krahasime me sulmin ndaj Kapitolit të SHBA më 6 janar 2021 nga mbështetësit e Donald Trump, një aleat i Bolsonaro.
Mbështetësit e Bolsonaros po bëjnë thirrje për ndërhyrje ushtarake dhe dorëheqjen e da Silvas, i njohur më mirë si Lula, i cili mundi rivalin e tij të ekstremit të djathtë në zgjedhjet e tetorit. Shumë prej tyre krijuan kampe në qytete anembanë Brazilit, disa prej tyre jashtë kazermave ushtarake. Kjo sepse mbështetësit e tij më të zjarrtë duan që ushtria të ndërhyjë dhe të bëjë zgjedhje të mira, që ata thonë se janë vjedhur.
Lula aktualisht është në një udhëtim zyrtar në shtetin e Sao Paulo. Në fjalimin e tij të inaugurimit, ai u zotua të rindërtojë një vend në “rrënoja të tmerrshme”. Ai dënoi politikat e paraardhësit të tij, i cili shkoi në SHBA për të shmangur ceremoninë e dorëzimit.
