ITALI– Tragjedi në brigjet italiane! Anija italiane ‘Franco P.’ është mbytur në brigjet e Bari. Mediat italiane raportojnë se anija u nis nga Ankona mbrëmjen e djeshme në orën 21:00 dhe destinacion kishte Shqipërinë. Deri më tani raportohet se një person ka ndërruar jetë ndërsa 5 të tjerë janë zhdukur.
Komandanti, 63-vjeçari nga Catania, u shpëtua nga Autoriteti Portual. Ai është transportuar në Policlinico në Bari e mësohet se është në gjendje shoku. Nuk dihet nëse në anije kishte shtetas nga Shqipëria.
Operacionet e kërkimit për të zhdukurit janë ende në vazhdim, të koordinuara nga dhoma e operacionit të Autoritetit Portual të Barit, në bashkëpunim me autoritetet kroate. Në vend ndodhen pesë anije me mbështetjen e një helikopteri (gjatë orëve janë alternuar një avion i Forcave Ajrore, një i Marinës, një mjet kroat dhe aktualisht një i Autoritetit Portual). Era e fortë në zonë është duke krijuar vështirësi në zhvillimin e këtij operacioni.
