Tiranë- Ministrja e Mbrotjejes, Olta Xhaçka ka paditur në Gjykatë PD, pas akuzave të ngritura ndaj saj për përdorim të mjeteve të FA për fushatën zgjedhore.
Pak ditë më parë Albana Vokshi denoncoi ministren Xhaçka se kjo e fundit e ka përdorur helikopterin e FA për fushatë zgjedhore në Dibër. Sipas Vokshit, përdorimi për arsye partiake është abuzim me fondet e administratës shtetërore.
Ndërkohë, për këtë akuzë reaguan edhe Forcat e Armatosura duke sqaruar se informacioni i përcjellë është i pasaktë dhe “përbaltja ndaj nesh është e papranueshme”. “Gjatë muajve të fundit, janë kryer jo 22, por 338 fluturime në të gjitha qarqet e vendit. Nuk ka asnjë shpërdorim misioni dhe kapacitetesh. Në një vit, Xhaçka përdori mjetet ajrore vetëm 4 herë, në Shkodër, Dibër e Gjirokastër. Udhëtimet e Xhaçkës në 3 qarqe, ku FA ka strukturat e saj rajonale të Mbrojtjes Civile”, lexohet në reagimin e FA-së. Sipas Forcës Ajrore, “përdorimi i mjeteve ajrore është e drejtë ligjore e Ministrit të Mbrojtjes” dhe “zëri buxhetor për fluturime i shpenzuar është vetëm 22% e buxhetit vjetor për fluturimet stërvitore”.
