TIRANË– Këtë të mërkurë u zhvillua seanca e radhës e grupit për çështjen e hapur në Shqipëri për trafik dhe kultivim droge e grup kriminal për Moisi Habilajn. Gjatë seancës u vendos që çështja të shtyhej dhe të zhvillohet në 26 janar në orën 14:00.
Moisi Habilaj është arratisur prej ditës së shtunë nga Italia, aty ku qëndronte në arrest shtëpiak. Ai ka kërkuar gjykim të shkurtuar për çështjen që po gjykohet në Shqipëri, duke pranuar në këtë mënyrë akuzat që janë ngritur ndaj tij.
Habilaj është nën akuzë për trafik droge dhe grup i strukturuar kriminal. Për grupin e tij janë gjykuar me gjykim të shkurtuar vetë Moisi Habilaj, Meridian Sehitaj si dhe Nezar Sehitaj. Në shkallën e parë të Gjykatës së Posaçme trupa gjykuese përbëhet nga Alma Kolgjika, Rexhep Bekteshi dhe relator Ardian Kalia. Këto të fundit janë gjyqtarë të deleguar nga KLGJ për të gjykuar këtë çështje. Ndërkohë sot hapet debati gjyqësor, pra nisja e shqyrtimit të provave.
Moisi Habilaj u arrestua disa vite më parë si pjesë e operacionit Venti dei rosi të policisë italiane. Policia italiane e ka shpallur në kërkim ndërkombëtar trafikantin e dënuar. Habilaj u dënua së bashku me Meridian Sula, Nezar Seiti, Antonino Riela, Vinccenso Spanpinato, Angjelo Buzaka, Xhanluka Pasavanti dhe Xhuzepe Greko.
