Tropojë- Një 85- vjeçar është gjetur i mbytur në liqenin e Fierzës, i identifikuar si Hasan Vatnikaj, banues në Bajram Curri.
Sipas ekspertëve mjeko-ligjor, në trupin e shtetasit Hasan Vatnikaj nuk janë konstatuar shenja dhune, por ai vuante nga skleroza dhe nuk shikonte mirë.
Njoftim i policisë:
Më datë 14.01.2021, në vendin e quajtur “Shkëmbi i Rajës”, në ujërat e liqenit Fierzë, Koman, Tropojë, është gjetur trupi i pajetë i shtetasit të humbur Hasan Vatnikaj, 85 vjeç, banues në Bajram Curri.
Gjatë këqyrjes nga eksperti mjeko-ligjor, në trupin e shtetasit Hasan Vatnikaj nuk janë konstatuar shenja dhune. Në bazë të veprimeve hetimore dyshohet se ky shtetas është vetëmbytur.
Më datë 11.12.2020, në Komisariatin e Policisë Tropojë, kanë bërë kallëzim familjarët për humbjen e shtetasit Hasan Vatnikaj, i cili vuante nga skleroza dhe nuk shikonte mirë. Materialet i kaluan Prokurorisë së Rrethit Gjyqësor Tropojë, për vlerësim.
