50-vjeçari Ahmet Toksa është personi që shihni në foto, i cili u vra mëngjesin e sotëm teksa kishte dalë nga banesa, në sy të gruas së tij.
Krimi i rëndë ndodhi rreth orës 06:00, në lagjen “Sheq i Madh” në Fier. Gazetari ‘BalkanWeb’ ka siguruar foton e viktimës, i cili u qëllua nga një person, ende i paidentifikuar, me disa plumba, një prej tyre në kokë. Vrasja ndodhi në sy të gruas së tij, e cila e tmerruar ngriti në këmbë lagjen me ulërimat dhe të qarat e saj.
Nga dëshmitë e banorëve të zonës, 50-vjeçari njihej si një njeri i qetë dhe se nuk kishte probleme me askënd. Aktualisht policia po heton për identifikimin dhe arrestimin e autorit.
