Bahrain- Ylli i Formula 1, Roman Groszhan ka folur për herë nga spitali pas aksidentit që i ndodhi dje në garën e Grand Prix. Me aparatura në trup dhe krahët e lidhur, garuesi duket në gjendje të mirë.
Në një video nga spitali ai është shprehur se është mirë dhe falenderon të gjithë ndjekësit për mesazhet e ngrohta që i kishin dhënë.
“Përshëndetje të gjithëve. Thjesht doja të them se jam mirë. Faleminderit shumë për të gjitha mesazhet. Pra, falënderoj të gjithë stafin mjekësor në qark dhe në spital. Shpresoj, së shpejti mund t’ju shkruaj disa mesazhe dhe t’ju tregoj si po shkon,” tha ai.
Roman Groszhan u përfshi në një aksident të frikshëm ditën e djeshme në garën e Grand Prix të Bahreinit në Formula 1. Piloti francez u përfshi në një përplasje të tmerrshme dhe më pas mjeti i tij shpërtheu në flakë, duke shkaktuar ndërprerjen e garës. Shoferi francez doli për mrekulli nga flakët pas disa sekondash dhe menjëherë mori shërbimet e urgjencës në anën e pistës.
