Një vajzë e vogël marokene që tallte Cristiano Ronaldon ka qenë kudo në mediat sociale që pas humbjes së Portugalisë ndaj Marokut. “Poor Ronaldo” (I shkreti Ronaldo) është bërë kryefjalë e FYP në TikTok, Twitter, Instagram.
Gjithçka filloi kur Ronaldo dhe Portugalia u larguan nga ‘Kupa e Botës’ më 10 dhjetor pasi humbën përballë Marokut. Në një intervistë virale pas ndeshjes, tifozët e Marokut u dëgjuan duke thënë: “Aeroporti është këtu”, ndërsa të tjerët bërtisnin me sarkazëm: “Ku është Ronaldo?” Megjithatë, vajza e vogël nuk tregoi mëshirë ndaj lojtarit 37-vjeçar, duke thënë: “Aeroporti i Portugalisë është këtu. Dhe ku është Ronaldo? Ai po qan në makinën e tij. I gjori Ronaldo”.
Videoja shpejt doli jashtë kontrollit nga fansat e Ronaldos por jo vetëm duke treguar se lojtarët francezë si Kylian Mbappé do t’i tregonin asaj se kush është shefi gjatë ndeshjes Francë-Marok që u luajt mbrëmjen e djeshme.
Ja disa nga komentet: “Ky fëmijë është kaq i bezdisshëm bruh. Mbappe do të çmendet kundër Marokut”, “Kjo ndryshon krejtësisht pikëpamjen time për marokenët. Egoja juaj do të jetë shkatërrimi juaj”, dhe “Kur Kylian t’i mundë, dua të shoh reagimin e saj”.
Një personazh i famshëm në mediat sociale, iShowSpeed, ka reaguar ndaj videos së vajzës. Dikush postoi reagimin e tij në TikTok dhe mori mbi 22 milionë shikime.
Videoja më virale është një editim që tregon Kylian Mbappé pas videos së të voglës. Meqenëse Maroku fitoi ndaj Portugalisë, ata u përballën me Francën në gjysmëfinale. Mbappé është padyshim një nga lojtarët më të mirë në botë, dhe fansat pretendonin që ai të eleminonte Marokun.
Së fundmi në mediat e huaja është shfaqur një mesazh në audio nga nëna e vajzës e cila kërkoi falje në emër të 9-vjeçares. E ëma tha se vajza nuk e di kush është Ronaldo dhe thjesht po thoshte çfarë thanë fansat e tjerë marokenë. Ajo shprehet se vajza është në gjendje të rënduar psikologjike dhe u lutet njerëzve mos ta shpërndajnë më videon.
“Ajo tani po kalon një gjendje shumë të vështirë psikologjike dhe deri në pikën që refuzon të hajë apo të flasë për shkak të komenteve. Ju siguroj se vajza ime nuk kishte për qëllim të ofendonte lojtarin, Cristiano Ronaldo, sepse ajo nuk di asgjë nga futbolli. Ajo vetëm po përsëriste atë që po dëgjonte rreth saj. Ajo është ende e re, është nëntë vjeç dhe donte të shprehte gëzimin e saj, por për fat të keq, ajo ishte viktimë e rrjeteve sociale. I kërkoj falje të gjithë fansave të Cristiano Ronaldos për atë që ndodhi. Ju lutem konsiderojeni si motrën tuaj më të vogël sepse ajo nuk e kishte seriozisht atë që thoshte”.-thuhet në mesazhin e saj.
