Japonia do të përcjellë sot për në banesën e fundit ish-kryeministrin Shinzo Abe. Mijëra njerëz në zi po shfaqen për të bërë nderimet e fundit ndaj ish-kryeministrit japonez. Funerali privat, i cili është i hapur vetëm për miqtë dhe familjen e ngushtë, është duke u zhvilluar në tempullin Zojoji të Tokios.
Pas funeralit, makina e varrimit që mban trupin e Abe do të vazhdojë përmes qendrës së Tokios. 67-vjeçari u qëllua për vdekje të premten e kaluar teksa mbante një fjalim për fushatën në Nara në Japoninë jugore. Brenda tempullit Zojoji po kryhen ritet budiste.
Në të gjithë Tokion, flamujt janë ulur në gjysmështizë dhe jashtë tempullit ndodhen mijëra qytetarë që vajtojnë, shumë prej të cilëve mbajnë tufa me lule, shtrihet në dy blloqe. Arkëmoti pritet të kalojë pranë objekteve historike si ndërtesa e parlamentit, ku Abe hyri për herë të parë si ligjvënës në 1993, dhe zyra nga e cila drejtoi vendin si kryeministër.
Shinzo Abe, ish Kryeministri i Japonisë u sulmua me armë zjarri gjatë një takimi elektoral në qytetin Nara dy ditë më parë. Ish-Kryeministri 67-vjeçar ishte në gjendje kome, por mjekët nuk mundën që ta shpëtonin.
Abe kishte humbur gjak për shkak të dy plumbave që mori në qafë dhe në gjoks nga një distancë e afërt me armë të modifikuar. Autori, një burrë rreth të 40-ve, u arrestua menjëherë në vendngjarje dhe nuk bëri rezistencë.
Lajm ne perditesim…
