Raporte kontradiktore kanë dalë nga autoritetet ruse dhe ukrainase për incidentin që përfshiu një anije luftarake ruse në Detin e Zi. CNN raporton se nuk ka asnjë provë nuk ka dalë për të mbështetur pretendimet e tyre dhe nuk mund të verifikojë në mënyrë të pavarur atë që ndodhi.
Ministria ruse e Mbrojtjes pretendoi të mërkurën se luftanija Moskva u evakuua pas një zjarri që shpërtheu në bord, duke dëmtuar rëndë anijen. Kjo u raportua nga mediat shtetërore ruse, të cilat theksuan se shkaku i zjarrit po hetohet. Raportet ruse nuk dhanë informacione për viktima.
Por disa orë më parë, administratori rajonal i shtetit Odesa, Maxim Marchenko, pohoi në një postim në Telegram se forcat ukrainase goditën anijen me raketa “Neptun” duke shkaktuar dëme serioze në të. Mediat shtetërore ruse TASS dhe RIA raportuan se ekuipazhi i anijes ishte evakuuar dhe se shkaku i zjarrit ishte ende duke u përcaktuar. Sipas Ministrisë së Mbrojtjes, Moskva është një kryqëzor raketor që është ndërtuar dhe vënë në punë në vitin 1982.
Për shkak të stuhive të mëdha mbi Detin e Zi që errësojnë imazhet satelitore dhe të dhënat ndijore satelitore, CNN nuk ka qenë në gjendje të konfirmojë vizualisht se anija është goditur. Imazhet satelitore nga Maxar Technologies treguan anijen në veriperëndim të Sevastopolit, Krime më 10 prill.
