500 mijë qytetarë shqiptarë janë vaksinuar në vendin tonë. Lajmi është bërë me dije nga ministrja e Shëndetësisë Ogerta Manastirliu dhe kryeministri Edi Rama, me anë të një postimi në Facebook.
Kreu i qeverisë shkruan se 29 ditë para afatit që i kishte vendosur, fundin e muajit maj, synimi tashmë është arritur dhe kemi 500 mijë ëytetarë të vaksinuar. Tashmë synimi është 1 milionë qytetarë.
Aktualisht ka nisur shpërndarja e dozave tek moshat mbi 60 vjeç. Në vendin tonë janë imunizuar bluzat e bardha, janë vaksinuar gazetarë, efektivë policie, mësues e pedagogë. Aktualisht në vendin tonë janë duke u përdorur vaksina Pfizer, AstraZenca, vaksina ruse Sputnik V dhe ajo kineze Sinovac.
Nga ana tjetër bilanci i Covid-19 sa vjen e përmirësohet. Në 24 orët e fundit u regjistrua një viktimë dhe 53 raste të reja me Covid-19. Në total, në vendin tonë kemi 2 mijë e 397 viktima, 17 mijë e 921 të sëmurë aktivë dhe 110 mijë e 920 të shëruar nga koronavirusi që nga fillimi i pandemisë.
