Një vatër zjarri e përmasave të mëdha që u aktivizuaa pasditen e të martes në Palasë të Vlorës mbetet aktiv edhe ditën e sotme.
Një helikopter mbërriti edhe dje për të shuar flakë, por e pati të pamundur pasi vatra nuk është shuar ende ndërsa sot po ndërhyn një tjetër helikopter për shuarjen e zjarrit.
Në ndihmë të zjarrfikësve që kanë mbërritur që dje janë edhe ushtarët. 90 efektivë të forcave të armatosura, zjarrëfiksja e Himarës, AKZM dhe vullnetarË janë angazhuar për neutralizimin e zjarrit .
Një vatër u neutralizua gjatë ditës së djeshme në ndërhyrje nga ajri, pasi flakët përparuan drejt resortit turistik në Palasë. Por, gjatë natës ka pasur sërish përparim të flakëve. Më problematike duket situata në vatrën e përparuar drejt Karaburunit, ku pritet ndërhyrje nga ajri gjatë paradites.
Këtë herë mësohet se zjarri është shkaktuar pasi ka pasur shkëndija dhe rrufe në këtë zonë. Flakët duken se janë shumë pranë detit, ku gjatë muajit gusht ka mbipopullim nga pushuesit e huaj dhe vendas.
