Detaje të reja janë bërë me dije lidhur me ngjarjen e rëndë të ndodhur në Kavajë, ku 4 turistë rusë u gjetën të vdekur brenda saunës. Paraprakisht mësohet se turistët në dhomën e tyre kishin konsumuar birra, por nuk hiqet dyshimi edhe për lëndë narkotike.
Nga informacionet dyshohet se kanë kaluar në overdozë droge, hetimet do të qartësojnë në vijim edhe se çfarë lloji droge kishin konsumuar si dhe sasinë e saj. Tanimë trupat e tyre janë dërguar në morg ku edhe do t’u kryhet ekspertiza mjeko-ligjore , e cila do të përcaktojë edhe versionin final.
