Kryebashkiaku Erion Veliaj ka publikuar në profilin e tij në Twitter kontratën e lidhur në 2016 mes Bashkisë së Tiranës dhe FRD-së. Sipas tij, kjo kontratë ka skaduar 4 vite më parë. Veliaj kërkon lirimin me dinjitet të ndërtesës publike.
“Për përmbaruesin e dhunshëm të Saliut në Presidencë: Kontrata e 2016-ës mes bashkisë Tiranë dhe partisë që Saliu i rrëmbeu ish-Presidentit ka qenë për VETËM 1 VIT! Ka 4 vite që ndërtesa zaptohet pa kontratë. Këto janë faktet. Lironi ndërtesën publike, po keni pak dinjitet”, shkruan Veliaj.
llir Meta u shfaq sot para gazetarëve për të justifikuar sjelljen e tij ditën e premte në zyrat e FRD-së. Meta nuk dha asnjë sqarim pse Sali Shehu, kryetari aktual i FRD-së, nuk ka dalë ende nga zyrat ndonëse kontrata e firmosur nga FRD dhe Bashkia e Tiranës për huamarrjen e tyre ka përfunduar që në vitin 2017, një vit pas firmosjes së saj.
