India pritet të bëhet vendi më i populluar në botë vitin e ardhshëm, me 1.4 miliardë banorë, duke kaluar Kinën, sipas shifrave të Organizatës së Kombeve të Bashkuara (OKB).
Deri në nëntor të këtij viti, popullsia në botë do të arrijë shifrën 8 miliardë, megjithatë rritja nuk është aq e shpejtë si dikur, shkruan BBC.
OKB-ja thotë se rritja është në ritmin e tij më të ngadaltë që nga viti 1950 dhe mund të arrijë kulmin, rreth vitit 2080 ku popullsia pritet të shkojë në 10.4 miliardë. Disa demografë besojnë se kjo mund të ndodhë edhe më shpejt. Më shumë se gjysma e rritjes së popullsisë së botës në dekadat e ardhshme do të përqendrohet në tetë vende.
Këto vende janë: Republika Demokratike e Kongos, Egjipti, Etiopia, India, Nigeria, Pakistani, Filipinet dhe Tanzania.
