SHBA- Këngëtarja me origjinë shqiptare Dua Lipa, ka reaguar pasi filmi “Zgjoi”, me regji të Blerta Bashollit, është futur në listën e ngushtë të filmave për çmimin prestigjioz “Oscar”. Në postimin e saj vihet re dhe komenti i pronares së kompanisë Versace”, Donatella Versace.
Donatella Versace ka thënë se Kosova ka shumë për t’u krenuar.
“Mrekulli! Ti duhet të jesh shumë krenare Dua, Kosova ka shumë për t’u krenuar”, -komenton Donatella.
“Zgjoi” bën pjesë në listën e ngushtë të 15 filmave ndërkombëtare për edicionin e 94-të të Çmimit Oscar. Filmi “Zgjoi” është i frymëzuar nga historia e vërtetë e Fahrije Hotit nga Krusha e Madhe, e cila në kërkim të burrit të saj të humbur gjatë luftës në Kosovë, fillon një biznes bujqësor për ta siguruar mbijetesën e familjes.
