Tiranë- Komisioni i Pavarur i Kualifikimit ka konfirmuar në detyrë si shefen e kabinetit të Prokurorit të Përgjithshëm, Pranvera Pustinën.
Vendimi është marrë ditën e sotme në Komisionin e Pavarur të Kualifikimit, ku prokurorja rezultoi e pastër pas procesit në shtyllat e vlerësimit.
Pranvera Pustina është transferuar në vitin 2015 në Prokuroinë e Krimeve të Rënda dhe prej janarit të vitit 2020 ajo ka marrë pozicionin e shefes së kabinetit të Prokurorit të Përgjithshëm, Olsian Celës.
Shefja e kabinetit të Prokurorit të Përgjithshëm, Pranvera Pustina ditën e premte më 9 tetor doli pa probleme para Komisionit të Pavarur të Kualifikimit. Procesi i vetingut për Pustinën u krye nga trupat gjyqësorë të kryesuar nga Genta Tafa Bungo, me relatore Suela Zhegun dhe anëtare Etleda Çiftjen.
Në cilësinë e vëzhguesit ndërkombëtar ishte i pranishëm Steven Kessler.
