Tiranë- Taulant Balla ka folur sot nga foltorja e Kuvendit për Projektligjin “Për disa ndryshime në ligjin nr. 8580, datë 17.02.2000, “Për partitë politike”, i ndryshuar”, ku Balla u shpreh se ka ardhur koha që të forcohet ligji për financimin e partive politike në vend.
Ndër të tjera ai komentoi edhe përzgjedhjen e kandidatëve të PD-së për zgjedhjet e 25 prillit.
“I ndoqa me vëmendje disa prej diskutimeve të kolegëve të opozitës parlamentare disa prej tyre se kanë kuptuar objektin e këtij ligji. PS kurrë s’ka shkelur asnjë marrëveshje dhe në këtë funksion PS i qëndron 5 qershorit. Procesi i ndryshimeve Kushtetuese i ka hapur rrugë listave të hapura, ndaj i ftoj partitë e tjera të bëhen gati të garojnë tek gjykatësi që nuk gabon kurrë, populli shqiptar. Le të përballemi të gjithë me gjykatësin që nuk gabon. Nëse doni model, bujrum ju ftojmë një ditë të shihni si kemi ngritur procesin më të pastër të përzgjedhjes nga anëtarësia të kandidatëve në PS, por këtyre problemeve të brendshme ku Genc Ruli lan hesapet me Salianjin apo Mustafaj me Fahriun, kjo nuk është çështja jonë.“- shprehet Balla.
Ndiqni fjalën e plotë më poshtë
