Vlorë- Ky është momenti kur dy persona të maskuar e veshur me të zeza, i dalin para makinës ku udhëtonte Bledar Birçaj, duke e lënë atë të vdekur. Bëhet fjalë për ngjarjen e ndodhur këtë të hënë në qytetin e Vlorës, ku 40-vjeçari u ekzekutua në mënyrë mafioze në mes të ditës.
Duke parë drejtimin që ka marrë automjeti tip Benz-Mercedes ngjyrë gri me xhama të zinj,në të cilin ndodheshin 2 autorët të armatosur,dy janë mundësitë në të cilat të jenë larguar.Ata kanë dalë në fshatrat e lumit të Vlorës,kështu që intenerari i ndjekur prej tyre është ose ai i fshatit turistik të Kaninës,e më pas duke dalë në Sherishtë.Një tjetër rrugë e mundshme nga e cila të jenë larguar është ajo e cila të çon në teqenë e Kuzum Babait e më pas në lagjen “Topana” e duke u zhvendosur në drejtim të spitalit rajonal Vlorë.Kjo rrugë gjithashtu të çon në aksin kryesor drejt fshatrave të lumit.
Pamjet në fjalë u publikuan mbrëmjen e të hënës në emisionin “Opinion”, nga gazetari Artan Hoxha.
