BRUKSEL– Një emigrant shqiptar është ekzekutuar me armë zjarri mbrëmjen e kaluar në Bruksel. Sipas mediave belge ai u qëllua me 8 plumba në zonën e njohur, Molenbeek dhe ndërroi jetë në vend.
Dyshohet se 38-vjeçari qëndronte ilegalisht në Belgjikë. Në vendin e ngjarjes, prokuroria kërkoi një ekspert të balistikës dhe një mjek ligjor si dhe një kontroll laboratorik nga policia federale dhe një gjyqtar ekzaminues, konfirmon Sarah Durant, zëdhënëse e zyrës së prokurorit publik të Brukselit.
“Në të vërtetë u raportua për të shtëna në afërsi të Bulevardit Metteëie. Ai vdiq në vend. Ishte një djalë i ri i lindur në vitin 1982. Prokuroria kërkoi një ekspertë të balistikës dhe një mjek ligjor si dhe një kontroll laboratorik nga policia federale dhe një gjyqtar ekzaminues,”- shtoi ajo.
Grupi hetimor, siç shihet dhe në pamje ka shkuar në vendin e ngjarjes për të mbledhur prova që mund të çojnë në zbardhjen e autorëve, për të cilët ende nuk ka asnjë gjurmë. Për momentin, e vetmja gjë që dihet për viktimën është se ai ishte një emigrant ilegal.
