Zëvendëspresidentja Kamala Harris dhe bashkëshorti i saj, Doug Emhoff, morën sot dozën e tyre të parë të vaksinës anticovid.
‘Në rregull, le ta bëjmë’, tha ajo, ndërsa infermierja Patricia Cummings e Qendrës së Bashkuar Mjekësore nxori gjilpërën. Kjo ishte e lehtë. Faleminderit. Mezi e ndjeva”, shtoi ajo më tej.
“Unë dua të inkurajoj të gjithë që të vaksinohen. Fjalë për fjalë, kjo ka të bëjë me shpëtimin e jetës. Unë i besoj shkencës dhe janë shkencëtarët ata që krijuan dhe miratuan këtë vaksinë”-tha më tej Harris.Në fillim nuk ishte e qartë se çfarë vaksine kishte bërë Harris, Pfizer apo Moderna-n ndërsa më vonë u zbulua se zëvendëspresidentja amerikane kishte marrë këtë të fundit.
