Tiranë- Dy persona janë arretuar dhe një tjetër është proceduar penalisht pasi janë të dyshuar si autorë vjedhjesh në dyqane dh esupermarkete në Tiranë.
Efektivët e policisë arritën të arrestojnë personat me inicialet B.Sh., 18 vjeç dhe A. K., 18 vjeç, të dy banues në Tiranë, si dhe u proceduan penalisht i mituri me iniciale N. E., 15 vjeç. Këta të rinj janë kapur nga policia në orët e para të mëngjesit të sotëm, duke tentuar të vidhnin në kioskën e B. Z., në rrugën “Dritan Hoxha”.
Njoftimi i policisë
Policia në Tiranë ka arrestuar dy persona dhe ka proceduar penalisht një tjetër, pasi dyshohet të jenë autorë të dyshuar për disa vjedhje. Njoftohet se janë zbardhur 5 raste të vjedhjes dhe tentativës për vjedhje në markete dhe në kioska. Kështu, në flagrancë u arrestuan B.Sh., 18 vjeç dhe A. K., 18 vjeç, të dy banues në Tiranë, si dhe u proceduan penalisht i mituri me iniciale N. E., 15 vjeç. Këta të rinj janë kapur nga policia në orët e para të mëngjesit të sotëm, duke tentuar të vidhnin në kioskën e B. Z., në rrugën “Dritan Hoxha”. Nga hetimet dhe provat e siguruara ka rezultuar se të rinjtë janë autorët kryesorë të dyshuar për disa vjedhje në qarkun e Tiranës, si më poshtë: Më datë 07.06.2020, në Rrugën e Kavajas, kanë vjedhur një shumë parash në dyqanin e shtetasit S. L.; Më datë 13.10.2020, në rrugën “Pandi Dardha”, kanë vjedhur disa paketa cigaresh në një supermarket; Më datë 22.10.2020, në rrugën “Pandi Dardha”, kanë vjedhur disa paketa cigaresh dhe artikuj të tjerë në minimarketin në pronësi të shtetasit V. K.; Më datë 05.11.2020, kanë tentuar të vjedhin në një kioskë te “Komuna e Parisit”. Vijon puna për dokumentimin e vjedhjeve të tjera të ndodhura në qarkun e Tiranës, në të cilat mund të jenë të implikuar këta shtetas. Materialet i kaluan Prokurorisë së Rrethit Gjyqësor Tiranë, për veprime të mëtejshme.
