Një sasi lëndë eksplozive është vendosur poshtë një automjeti në qytetin e Vlorës, por fatmirësisht nuk ka shpërthyer. Kjo pasi, pronari i makinës S. Binaj e ka pikasur pakon e dyshimtë poshtë makinës dhe ka njoftuar policinë.
Ndërhyrja e forcave xheniere ka bërë të mundur çaktivizimin e lëndës plasëse poshtë automjetit. Sasia e eksplozivit mendohet se ishte rreth 500 gr. Policia ka nisur hetimet për të shkuar në gjurmët e autorëve.
Vlorë
Mesnatën e djeshme, në lagjen “Hajro Çakërri”, Vlorë është marrë informacion se poshtë një automjeti të markës “Benz” në pronësi të shtetasit S. B. që ishte i parkuar ndodhej një pako e vogël e dyshuar me lëndë plasëse.
Menjëherë në vendngjarje kanë shkuar shërbimet e policisë, të cilat vendosën perimetrin e sigurisë dhe forcat antieksploziv të Reneas, të cilat pas veprimeve të para bënë çaktivizimin e pakos e cila kishte brenda saj lëndë plasëse
Grupi hetimor po vijon punën për zbardhjen e rrethanave të ngjarjes si dhe për identifikimin dhe kapjen e autorit.
