Edhe pse në kohë pandemie, dhe në kushte të vështira jo vetëm për Shqipërinë, por edhe në mbarë botën, duket se zyra e deputetit të Vlorës, zotit Vullnet Sinaj, duke respektuar protokollet e masave që dikton pandemia, qëndron e hapur për të gjithë ata njerëz që kanë një “hall” për të zgjidhur apo edhe për një orientim më të specializuar për çështje të caktuara. Me një staf prej disa të rinjsh jurist kjo zyrë në bashkëpunim me institucionet vendore e qendrore, përpiqet t’i japë zgjidhje çdo problemi.
Që nga viti 2017 stafi i juristëve i punësuar nga deputeti Sinaj, ndjek me vëmendje shqetësimet e banorëve dhe përpiqen të ndihmojë në zgjidhjen e çdo problemi.
Rastet e trajtuara me sukses janë të shumta.
Më poshtë po pasqyrojmë një përmbledhje të disa prej rasteve të datës 12 shkurt, që u trajtuan nga kjo zyrë.
Konretisht,
Dino Alushaj nga Armeni kishte aplikuar per legalizimin e objektit të tij pranë ALUIZNI-t në Vlorë, por nuk kishte informacion për ecurinë e dosjes.
Pas kontaktit me institucionin, u bë i mundur shoqërimi në terren i inxhinierëve të ALUIZNI-t të cilët kryen matjet e objektit informal. Më tej dosja u përpunua në Agjencinë Shtetërore të Kadastrës dhe qytetari u pajis me lejen e legalizimit të objektit.
Juristët e zyrës e ndihmuan qytetarin me aplikimin për certifikatën e pronësisë.
Duke qenë se bëhej fjalë për një zonë të pamenaxhuar, qytetari u pajis me vërtetim hipotekor, vërtetim i cili lëshohet për zonat kadastrale që nuk i janë nënshtruar regjistrimit fillestar.
Edmond Nasi nga Vlora kërkoi ndihmën e juristëve për të përfituar pensionin suplementar. Pasi kishte punuar mbi 40 vite në sektorin e naftës, ai kërkoi ndihmën e juristëve për të marrë atë që i takonte.
Qytetari mori përgjigje nga Instituti i Sigurimeve Shoqërore se përmbushte kushtet për trajtimin me pension suplementar sipas ligjit.
Juristët e ndihmuan qytetarin të bënte aplikimin ne E-Albania duke i bashkëngjitur dokumentacionin shoqërues, kthim-përgjigjen e I. S. SH., një kopje te statusit te naftetarit dhe vërtetimin nga Albpetroli.
Pas verifikimeve të vazhdueshme, u arrit që dosja të plotësohej dhe qytetari të fitonte pensionin suplementar.
Salushe Danaj nga Treblova kërkoi ndihmën e juristëve për të zgjidhur një çështje me Operatorin e Shpërndarjes së Energjisë Elektrike.
Qytetarja ishte faturuar në shuma të konsiderueshme në vitet 2011 dhe 2015, ndërkohë që deklaroi se nuk jetonte në Shqipëri që prej vitit 2005.
Ajo kish bërë ankesë në institucionet përkatëse, por nuk kishte marrë përgjigje.
Juristët tanë u interesuan pranë OSHEE-së ku u komunikua se kontrata e zonjës kishte kaluar në proces përmbarimor. Që do të thotë se në rast se nuk shlyhej pagesa e faturave, përmbarimi mund t’I sekuestronte shtëpinë.
Fillimisht qytetarja u ndihmua nga juristët per te lidhur aktmarrëveshjen me OSHEE duke bere pagesen per te gjitha faturat e papaguara, duke mos perfshire ato te viteve 2011 dhe 2015.
Per keto dy fatura zonja Danaj, duke u ndihmuar nga juristet beri ankese prane Kujdesit ndaj Klientit.
Nga ana e OSHEE u be e mundur ngritja e nje grupi pune I cili bëri verifikimet përkatëse dhe konstatoi se matësi I energjisë elektrike funksiononte normalisht.
Specialistët e OSHEE-së e informuan zonjën sepër dy muajt e keqfaturuar do te hiqej debija nga sistemi.
Namik Begaj nga Bolena kërkoi ndihmën e juristëve për një problematikë lidhur me Institutin e Sigurimeve Shoqërore. Ai kishte dale fillimisht në pension me 60%, por pasi kishte bërë kërkesë,kishte arritur ta përfitonte të plotë.
Pas disa kohësh atij I kishte ardhur një urdhër pagese ku informohej se për shkaktë disa pasaktësive, I ishte ulur masa e përfitimit.
Juristët e zyrë shartuan një kërkesë me pretendimet e qytetarit duke shpjeguar se numri I dosjes nuk ishte I njëjtë me atë në urdhrin e pagesës,që I kishte mbërritur atij.
Pas verifikimeve përkatëse, Instituti I Sigurimeve ktheu përgjigje se qytatari do të trajtohej sërish me pensionin e plotë, do t’izbritej detyrimi dhe gjatë muajve në vazhdim do të rimbursohej për shumën që I Ishte mbajtur.
Një bashkëpunim I suksesshëm mes grupit të juristëve dhe institucioneve shtetërore.
