SPANJË– Detaje të reja janë bërë me dije lidhur me vrasjen e shqiptarit Brandon Bregu në Spanjë, disa ditë më parë. Mësohet se 42-vjeçari nga Lushnja ishte arrestuar dy vjet më parë, në dhjetor 2018, gjatë një operacioni anti-drogë gjatë të cilit u prangosën edhe 5 persona të tjerë. Por kjo nuk ishte hera e fundit…
Si u kap shqiptari nga policia spanjolle?
Arrestimi i fundit ndodhi pak më shumë se një muaj më parë pasi shqiptari u akuzua për flasifikim dokumentesh. I ndjeri ishte në një lokal në Albir për të marrë disa sende personale. Vajza e pronarit të lokalit ishte ish-partnere e shtetasit shqiptar dhe ai kishte ardhur për të mbledhur një çantë me sendet e tij pas ndarjes.
Pikërisht në këtë çantë ka pasur edhe dokumentacion të rremë, ku Brandon Bregu nuk rezultonte fare si shtetas shqiptar. Ndaj dhe u prangos për veprën penale të falsifikimit të një dokumenti publik.
42-vjeçari u vra në Spanjë pak ditë më parë teksa darkonte me të dashurën e tij britanike. Ai është me origjinë nga Lushnja dhe bënte një jetë luksoze në Spanjë ku reklamonte makinën, motorrin, shtëpinë e tij dhe vendet ku shkonte për pushime. Pista kryesore ku edhe po hetohet është ajo e prishjes së pazareve të drogës.
