Altin Ismajlisufi, autori i vrasjes së ndodhur pasditen e sotme në fshatin Çerem të Tropojës është arrestuar nga policia pak orë pas ngjarjes. Policia ka sekuestruar edhe armën tip pistoletë me të cilën ai vrau bashkëfshatarin e tij Isat Goçaj, 49-vjeç. Motivet e ngjarjes janë ende të paqarta.
Kapet në kohë rekord autori i dyshuar i vrasjes së ndodhur në Çerem. Shërbimet e Komisariatit të Policisë Tropojë falë reagimit në kohë, veprimeve të shpejta dhe profesionale, bënë të mundur kapjen e autorit të dyshuar shtetasin Altin Ismajlisufi.
Gjatë kontrollit në banesë, Policia gjeti dhe sekuestroi armën e zjarrit, me të cilën autori kreu vrasjen. Autori i dyshuar po shoqërohet në Komisariatin e Policisë Tropojë, për veprime të mëtejshme”, njofton policia.
