Ambasadorja amerikane në Shqipëri Yuri Kim ka shigjetuar sërish ish-kryeministrin Sali Berisha. Ky i fundit e sulmoi direkt të dërguarën e Uashingtonit kur tha se ajo kishte shtrembëruar deklaratat e tij në një intervistë në VOA.
Berisha tha se nuk kishte thënë që “nuk e dinte për dosjen “non grata”, por se “brenda saj kishte vetëm gënjeshtra të sajuara nga qeveria e Ramës”.
Në krahun tjetër, ambasadorja Kim shkroi në Twitter se SHBA mbetet e palëkundur për luftën kundër korrupsionit në Shqipëri.
“Shkëlqyeshëm në Uashington për të koordinuar hapat e ardhshëm në marrëdhëniet SHBA – Shqipëri.
Është shumë e qartë se ne jemi seriozë në lidhje me korrupsionin – përfshirë nenin 7031 (c) për emërtimet – ndërsa mbështesim një Shqipëri që është më demokratike, më e fortë dhe më e begatë.
SHBA ka qenë me Shqipërinë në 30 vitet e fundit, dhe do të jetë me ju dhe për 30 vitet e ardhshme dhe më tej” – shkroi Kim.
Ajo ka cituar pikërisht nenin 7031 në bazë të të cilit u shpall non grata ish-kryeministri Sali Berisha.
Great in Washington to coordinate next steps on 🇺🇸🇦🇱 relations. V. clear we’re serious abt corruption – incl 7031(c) designations – while supporting an 🇦🇱 that is more democratic, stronger & prosperous. 🇺🇸 has been w/🇦🇱 for last 30 yrs; we’ll be with you for the next 30 & beyond!
— Ambassador Yuri Kim (@USAmbAlbania) September 21, 2021
