Kamëz- Zbardhen detajete të reja nga shpërthimi në Kamëz ditën e djeshme.
Eksplozivi, lloji i të cilit nuk është përcaktuar ende, ishte vendosur poshtë mjetit “BMW X5”, që përdorej nga shtetasi Gjon Mena. Lënda plasëse nuk ishte e lidhur me mjetin, por ishte vendosur direkt në tokë, poshtë parakolpit të mjetit.
Lënda eksplozive mendohet të ketë qenë 100 gr tritol, ku si pasojë e plasjes Gjon Mena ka marrë dëmtime në të dyja këmbët.
Policia e ka referuar çështjen për vrasje të mbetur në tentativë dhe po heton për identifikimin e autorëve. I dëmtuari, i cili është me precedentë penalë, është pyetur në lidhje me dyshimet e tij.
