TIRANË–Një aksident i rëndë ka ndodhur mbrëmjen e djeshme në Kodër-Kashar në Tiranë, ku si pasojë tre persona kanë humbur jetën dhe një tjetër është plagosur.
Drejtuesi i mjetit, 27-vjeçari i identifikuar si Zija Murati, ndodhet në spital, në gjendje të rëndë. Aktualisht i riu po i nënshtrohet një ndërhyrje kirugjikale. Mësohet se ai iu është nënshtruar një testi, për të verifikuar nëse kishte konsumuar alkool.
Mjeti ku udhëtonin katër persona, ka dalë nga rruga dhe është përplasur me murin e një banese, ku për pasojë tre pasagjerët kanë humbur jetën në vend. Dashamir Dema, Lulzim Sula dhe Ismail Sula humbën jetën në vend.
Lulëzimi dhe Ismaili ishin vëllezër, ndërsa Dashamirin e kishin të afërm, së bashku me Muratin.
Paraprakisht dyshohet se mjeti ka qenë duke udhëtuar me shpejtësi të lartë në momentin kur ka ndodhur përplasja fatale.
