Gjatë një konference për mediet, Ministrja e Arsimit Evis Kushi ka siguruar se nëpër shkolla janë duke u zbatuar me përpimmëri të gjitha protokollet për të përandaluar përhapjen e Covid-19. Për këdo që mund të ishte skeptik, ajo ka thënë madje se nxënësit janë më të mbrojtur në shkollë, sesa kur dalin jashtë. Po ashtu ministrja ka shtuar se ndërgjegjësimi është maksimal për të respektuar masat dhe për të raportuar cdo rast.
“Kemi tre skenarë. Skenari i pari është mësimi në bankat e shkollës, skenari i dytë është mësimi i përzier dhe skenari i tretë është mësimi online. Ne aktualisht jemi në skenarin e parë. U hartua një udhëzues për të zbatuar të gjitha rregullat dhe masat. Protokolli i ministrisë zbatohet me përpikmëri në të gjitha shkollat tona. Në cdo ditë e dimë sa mësues apo nxënës janë të infektuar në cdo shkollë. Që nga dita e parë kam qenë në terren duke parë vijueshmërinë e procesit mësimor, por edhe si zbatohen masat anti covid”, ka deklaruar ministrja.
