Zbulimi i varrit 2700- vjeçar në Parkun arkeologjik të Amantias në Vlorë i shtohet listës së objekteve me vlera të trashëgimisë kulturore në vendin tonë. Bëhet fjalë për një varr të lashtë arkeologjikë që daton në shekullin e 3 para erës sonë, i zbuluar pas 2 muajve gërmime intensive në parkun arkeologjik të Amantias.
Deputeti i Vlorës, Vullnet Sinaj përmes një postimi në profilin zyrtar në Facebook shprehet se ky zbulim me arkitekturë monumentale të përmasave të mëdha do të pasuron më tej hartën arkeologjike të qytetit antik të Amantias, duke qenë një vlerë e shtuar në njohjen më të thellë të historisë dhe në tërheqjen e vizitorëve gjatë këtij sezoni turistik!
“Pas dy muajsh pune të pandërprerë nga arkeologët e DRTK Vlorë në bashkëpunim me specialistët e IKTK, gërmimet nxorrën në dritë një varr me arkitekturë monumentale të përmasave të mëdha dhe i ruajtur në një gjendje pothuajse të plotë! Paraprakisht, varri monumental mund të datohet në shekullin e III para erës sonë, periudhë kur qyteti i Amantias ndodhej në fazën e lulëzimit. Falë veçorive arkitektonike, ky varr përbën një rast studimor me vlera unike rreth mënyrës se si njerëzit në lashtësi i kushtonin një rëndësi të posaçme banesës së fundit dhe monumentalitetit të saj! Ky zbulim pasuron më tej hartën arkeologjike të qytetit antik të Amantias, duke qenë një vlerë e shtuar në njohjen më të thellë të historisë dhe në tërheqjen e vizitorëve gjatë këtij sezoni turistik!“- shkruan deputeti Sinaj.
Në varr janë gjetur gjithashtu orendi të tjera si qeramika të vjetra të cilët janë ende në studim. Drejtuesi i DRKK Vlorë, Orgest Feimi shprehet se mendohet të ketë varre të tjera në zonë por për këtë priten të ketë gërmime te tjera. Mendohet të jenë edhe 9 varre të tjera në zonë të cilat do të punohet për gërmimin e tyre.
