Ashtu siç kishte premtuar presidenti Erdogan do të vijë në Shqipëri gjatë këtij muaji, për të parë nga afër frytet e ndihmës së shtetit turk për rindërtimin. Data nuk është ende zyrtare, ndërsa burime nga kryeministria thonë se vizita mund të realizohet me 17 janar, në të njëjtën ditë të vdekjes së Skënderbeut.
Presidenti turk Recep Tayyip do të vijë për inaugurimin e 524 apartamenteve të banimit në Bashkinë e Kurbinit të dëmtuara nga tërmeti i 26 nëntorit, që tashmë kanë përfunduar dhe janë gati të presin familjet në janar 2022.
Kujtojmë se lajmi për vizitën e presidentit turk, u bë me dije gjatë takimit të kryetares së Kuvendit, Lindita Nikolla në Turqi me Erdogan në pallatin Presidencial. Presidenti turk ka shprehur vendosmërinë për mbështetjen për Shqipërinë, zgjerimin e bashkëpunimit dypalësh dhe të Partneritetit Strategjik midis 2 vendeve.
