Nick Jonas dhe Priyanka Chopra njoftuan se ishin bërë prindër në janar.
“Jemi shumë të lumtur të konfirmojmë se kemi mirëpritur një fëmijë përmes një nëne surrogate”, shkruan ata në një deklaratë të përbashkët të shpërndarë në Instagram. “Ne kërkojmë me respekt privatësi gjatë kësaj kohe të veçantë ndërsa fokusohemi te familja jonë. Shumë faleminderit.”
Vogëlushja e tyre erdhi vetëm një javë pasi Chopra shprehu dëshirën e saj për të pasur fëmijë në një intervistë për Vanity Fair.
Megjithatë çifti nuk e zbuluan emrin e vajzës. Ndërsa së fundmi, ka qenë TMZ që e ka bërë të ditur emrin e bebushes. Nick dhe Priyanka e kanë quajtur vajzën e tyre Malti Marie. Sipas një çertifikate lindjeje të siguruar nga TMZ, vajza e çiftit të famshëm erdhi në jetë pak pas orës 20:00. më 15 janar në një spital në San Diego, Kaliforni. Malti është një emër me origjinë indiane dhe do të thotë “lule aromatike” ose “dritë hëne”.
Chopra dhe Jonas u martuan në vitin 2018 me një dasmë madhështore 3-ditore në Indi. Më shumë se 250 të ftuar, përfshirë kryeministrin indian Narendra Modi, morën pjesë në dasmë.
