Detaje të reja kanë dalë në dritë nga hetimet për zjarrin në magazinën te Casa Italia. Mësohet se në hetim është përfshirë inxhineri elektrik i pavarur. Inxhinieri do të pyetet për për të përcaktuar shkaqet e zjarrit.
Hetimi kanë synim për të përcaktuar nëse janë respektuar rregullat mbrojtëse. Paraprakisht dyshohet se zjarri u shkaktua nga një neon i vjetër në magazinën e qendrës tregtare.
Ditën e sotme shënohen një javë nga zjarri në magazinën te Casa Italia ku humbi jetën 33-vjeçari, Arjan Sala. Ende nuk është dhënë shkaku kryesor i zjarrit që mori jetën e heroit, i cili u fut për të shpëtuar më shumë se 20 persona të tjerë.
Arjan Sala, 33 vjeç, babai i një vajze të mitur prej vitesh ishte punonjës security në qendrën tregëtare të “Casa Italia”. Trupi i tij u gjet 3 ditë pas zjarrit që ra tek qendra tregtare ku ai punonte. Ekspertiza paraprake zbuloi se i riu ka qendruar rreth 24 orë gjallë, por më pas nuk ia ka dalë që të mbijetojë, duke ndërruar jetë prej asfiksisë. Trupi i tij u nxorr me vonesë, ndërsa një përplasje e familjarëve dhe forcave zjarrfikëse vuri nën presion autoritetet që të gjenin sa më herët trupin e Arjan Salës, një punëtori të zakonshëm që shpëtoi rreth 25 qytetarë dhe u vetësakrifikua në zjarrin masiv që ra te Casaitalia, ku temperatura gjatë 2 ditëve shkoi në 900 gradë Celsius.
