Fiskalizimi është një tërësi masash që përdoren për të zvogëluar evazionin fiskal në transaksionet me dhe pa para në dorë. Në procesin e fiskalizimit, të gjitha transaksionet (faturat) raportohen në kohë reale në Administratën Tatimore. Për efekt të identifikimit dhe gjurmimit të çdo transaksioni, çdo fature i jepet numri identifikues i veçantë i faturës.
Nëse më parë, një subjekt ishte i detyruar të plotësonte blloqet tatimore, të hidhte manualisht apo nëpërmjet sistemeve, librat e shitjeve apo të blerjes në programin e taksave, tashmë ai këto të dhëna mund t’i dërgojë direkt pranë Administratës Tatimore. Do të ulet koha që bizneset harxhojnë për të përmbushur detyrimet ndaj Tatimeve, por procesi nuk është kaq i thjeshtë, diskutojmë pas materialit për sfidat dhe avantazhet dhe sa gati janë bizneset për këtë proces.
I ftuar në studion e ‘Ekonomi Plus’, kryetari i Shoqatës së Eksportuesve, Alban Zusi për të diskutuar mbi çështjen e fiskalizimit.
“Administrata nuk është gati për këtë hap. Të jemi realist është një hap i rëndësishëm dhe i vështirë! Mendoj se duhet të filloj, do ketë probleme por do të zgjidhen. Por kërkoj që administrata fiskale të mos i penalizoj bizneset për 6 muaj, sepse duhet kohë të mësohet ky proces. Do të ketë kosto si proces, por është koha e duhur për të ndodhur kjo. Nëse bizneset fiskalizohen menjëherë, pas 3-4 muajsh ecën mirë, ne do kemi shumë para në buxhetin e shtetit, por do na mungojnë paratë në probleme të konkurrencës etj. Pra duhet të mendojmë se çfarë do të ndodh për 2 muaj nëse ecën mirë.“
