Ish i dërguari i Donald Trump, Richard Grenell ka reaguar në lidhje me marrëveshjen Kosovë-Serbi, e cila u nënshkrua në zyrën e ish-Presidentit amerikan, por qe tashme ka skaduar.
Me anë të një postimi në rrjetet sociale, ai thotë se afati i kësaj marrëveshje perfundoi ne fillim te shtatorit dhe se administrata e Joe Biden dështoi.
Sipas Grenell popujt e Ballkanit meritojnë një President amerikan që i kushton vëmendje ketij rajoni.
“Ajo që ne u përpoqëm të bëjmë, ajo që presidenti Trump u përpoq ishte të sillnim së bashku të dy shtetet dhe për 1 vit u ndalën fushatat e njohjes dhe mos njohjes dhe ata premtuan se për 1 vit do të bisedonin. Fatkeqësisht ky përkushtim ndali në shtator të këtij viti. Biden nuk u përpoq që ta shtynte atë moment marrëveshjeje ku të dyja palët do të gjenin një gjuhë të përbashkët dhe të shikonin përpara. Nuk ka pasur përpjekje nga Shtëpia e Bardhe për të sjellë Serbinë dhe Kosovën së bashku në këtë marrëveshje të mrekullueshme. Shpresoj që ata do ta kuptojmë mundësinë e madhe që u kemi dhënë dhe se u kemi dhënë mundësinë të zgjidhin disa nga këto probleme”, deklaron Grenell.
Marrëveshja njëvjeçar ndërmjet Kosovës dhe Serbisë, e nënshkruar në Shtëpinë e Bardhë në Uashington në prani të ish-presidentit Donald Tramp skadoi ne 5 shtator.
Ne ate marreveshje Serbia u zotua se do ta ndalë fushatën në kërkim të ?njohjes së pavarësisë së Kosovës, ndërsa, kjo e fundit do të ndalte përpjekjet për anëtarësim në organizata ndërkombëtare. Pas skadimit të këtij moratoriumi, Departamenti Amerikan i shtetit inkurajoi në një deklaratë për Zërin e Amerikës, Kosovën dhe Serbinë “që të vazhdojnë moratoriumin”.
