Pas një viti të vështirë, si 2020 kur pas pasojave të tërmetit, vendit ju desh të përballej dhe me pandeminë, vitit 2021 sipas parashikimeve pritej të shënojë një rritje të lartë ekonomike në vend. Përgjatë vitit të ardhshëm, qeveria synon të arrijë një nivel të ardhurash prej 536.8 miliardë lekë apo rreth 4.4 miliardë euro, ndërsa shpenzimet buxhetore arrijnë shifrën e 637 miliardë lekëve. Rritja ekonomike e parashikuar për vitin 2022 planifikohet të jetë në nivelin e 4.1%, ndërsa synohet ulje e borxhit publik vitin e ardhshëm në 78.9% të Prodhimit të Brendshëm Bruto, pas rritjes këtë vit në 80%.
Ekspert i ekonomisë, Flobens Dilaveri i ftuar në studion e ‘Ekonomi Plus’ në Syri Tv komentoi projektbuxhetin e viti 2022 në vendin tonë dhe si e gjeti ky buxhet vendin tonë pas një viti të vështirë.
“Jemi në një situatë të vështirë, spo dalim dot nga sëmundja që na futi sëmundja. Shqipëria ‘është e sëmurë’ dhe vazhdon të lëngojë. Mund të rritemi nëse nuk ka më fatkeqësi të tjera, në të kundërt nuk do të ketë ndryshim. Rritja e pagave nuk konsiderohet efekt i ndryshëm. Por a do arrij ekonomia të rriten të gjitha pagat, me tregues real të ekonomisë? Pra kjo e pavarur nga rritja e buxhetit, gjë që nuk e percepeptojë të ndodh.
Ekspert i ekonomisë, Enriko Ceko komentoi buxhetin e këtij viti si një skemë politike dhe aspak një mision për vendin tonë.
“Konsumi nuk është zgjidhje konsumi, por është prodhimi.Qeveria duhet të marri masa për të rritur prodhimin.Nuk kemi model ekonomik, në tërësi buxheti ska vizion, mision, por merret me çështje rastësore, ashtu si një buxhet politik edhe kaq. Rritja është e kotë. Buxheti ka objektiv për përmirësimin e jetesës së familjeve në vend, i vetmi objektiv për qytetarët. Biznesi në Europë mëson pushtetin, këtu është e kundërta, ne jemi të drejtuar drejt konsumit. Ne nuk kemi nevojë të kemi drejtues që krahasojmë me njeri-tjetrin, kemi nevojë për drejtues që të jetë më i miri për veten dhe për askënd tjetër.“
