Tiranë- Kryetare e LSI-së, Monika Kryemadhi ka reaguar pas shkarkimit nga puna të mjekut Ilir Allkaj.
Në një postim në Facebook, Kryemadhi solidarizohet me mjekun Allkaj, duke u shprehur se kjo që po bën qeveria është e padrejtë.
“Solidarizohem me mjekun Ilir Allkja, i cili është një prej shumë qytetarëve të larguar nga puna në mënyrë të padrejtë nga Rilindja. Kjo situatë nuk ka nisur sot, por ne kemi dhe jemi duke mbajtur shënim çdo gjë. Qeveria e re do t’i riparojë këto padrejtësi duke krijuar hapësirat për rikthimin e tyre në punë, si dhe duke riparë të gjithë motivacionin e gjobave të presionit ndaj bizneseve dhe çdo subjekti të cilin Rilindja e trajton si armik. Ndryshimi po vjen!” shkroi ajo.
