KOSOVË-Kryetari i Aleancës Kosova e Re (AKR), Behgjet Pacolli, iu ka kërkuar qytetarëve në Shtime që ta votojnë listën e kandidatëve për deputet të Lidhjes Demokratike të Kosovës.
Po ashtu sipas mediave të Kosovës,Pacolli ka thënë se Albin Kurti dhe njerëzit e tij kanë tentuar ta arrestojnë, duke iu referuar paralajmërimit të Ministrit të Punëve të Brendshme në Qeverinë Kurti, Xhelal Sveçla.
“Mua donin të më arrestonin pasi kisha bërë të gjitha testet, isha i shëndoshë dhe nuk kisha virus për ta sjellë në Kosovë, nuk kam refuzuar karantinimin. Albin Kurti me këlyshët e vet ka dashur të më arrestojë, unë kisha vend ku të shkoja në karantinim, nuk kam e refuzuar karantinim. Unë e shihja se mbështetësit e tij shkonin në shtëpi dhe tjerët rrinin në karantimin, unë e pashë sa është ora. Ai ishte personi i parë që dëshironte të më arrestonte, në ora 01:00 të natës ai ka thënë se bashkë me drejtorin e Policisë së Kosovës, Rashit Qalajn dhe me ushtruesin e detyrës së Ministrit të Punëve të Brendshme, Xhelal Sveçlen do të vijnë të më arrestojnë. Por, për çfarë akoma nuk e kam kuptuar asnjëherë, ai të shkojë ta arrestojë vetveten dhe idiotizmin e vet dhe jo njerëzit e sinqertë dhe punëtorë. Dokrrat e Albin Kurtit i përkasin viteve të 70-ta, ato nuk i nevojiten Kosovës”, ka thënë Pacolli.
