Tërmeti 6.6 ballë i shkallës Rihter këtë mesditë në ishullin grek të Samosit ka ‘ngritur’ Egjeun në këmbë.
Banorët e ishullit grek janë të gjithë në rrugë teksa dëme të mëdha raportohen në Izmir. Mediat greke raportojnë se tërmeti u ndie në 4 shtete, më së shumti në Turqi e Greqi, por edhe në Bullgari deri edhe në Shqipëri.
Po ashtu lëkundjet filluan me 4.6 ballë derisa të njëpasnjëshme kapën 6.6 ballëshin fatal. Sipas ekspertëve grekë, tërmeti ishte sipërfaqësor teksa është parlajmëruar për cunami të vogël.
Në fakt, deti në ishullin Samos dhe përreth ka nisur të tërhiqet duke marrë me vete dhe anijet kurse në disa pjesë të tjera ka marrë përpara rrugët duke hyrë në brendësi të qendrave të banuara.
Pamje rrëqethëse dalin nga zonat ku ka rënë tërmet në Turqi. Qindra qytetarë, ushtarë dhe forca zjarrfikësve janë drejtuar për tek godinat e shembura pasi mendohet se poshtë tyre kanë mbetur të bllokuar qytetarë. Megjithatë deri më tani nuk flitet për të lënduar.
