Një lajm i rëndë raportohet sot nga Kosova, ku mësohet se një 16-vjeçar nga Vitia ka humbur betejën me Covid-19.Infektologia e Spitalit të Gjilanit Selvete Shurdhani bën me dije për mediat se:
“I ndjeri ka pasur ndryshime të mëdha në mushkëri dhe temperaturë të vazhdueshme. Na ka tmerruar humbja e tij. Unë e kam pranuar para 7-8 ditëve, ka qenë në gjendje të rëndë dhe është trajtuar deri sot nën mbikëqyrje maksimale nga i tërë stafi i Repartit të Infektives. I shpreh ngushëllimet më të sinqerta familjes”, ka thënë Shurdhani.
Ndërsa, drejtori i Spitalit, Nisret Hajruallhu deklaroi se pacienti ka qenë i shtruar në spital për 10 ditë, dhe së fundmi ishte në gjendje të rëndë shëndetësore. Ai ka treguar se 16-vjeçari ka pasur edhe sëmundje tjera shoqëruese.
Ky është viktima më e re në moshë nga koronavirusi në Kosovë, që në një vit u ka marrë jetën 1,674 qytetarëve.
