Kolegji Zgjedhor vendosi dje me shumicë votash të shkurtojë listën e Partisë Demokratike për zgjedhjet e 25 prillit. Kështu në zgjedhjet e ardhshme, PD-ja nuk do të ketë 222 kandidatë në garë për 140 vende në Parlament, por do të ketë 153 të tillë.
Vendimi i Kolegjit Zgjedhor i dha fund përballjes që nisi në Komisionin Qendror të Zgjedhjeve. Në fillim më 8 mars selia blu depozitoi në KQZ listën shumemërore me 222 kandidatë, por vetëm pak ditë më vonë KQZ ia ktheu listën PD-së për të plotësuar dokumentacionin dhe të shkurtonte listën.
Por, sekretari për çështjet zgjedhore i PD-së, Ivi Kaso ,në mbledhjen e radhës së KQZ-së argumentoi se ligji zgjedhor cakton vetëm minimumin e kandidatëve sa duhet të jetë dhe jo maksimumin. Por, Komisioneri Shtetëror i Zgjedhjeve Ilirjan Celibashi interpretoi ndryshe ligjin zgjedhor dhe vendosi që të shkurtonte listën e PD-së. Nisur edhe nga qëndrimet publike ishte e kuptueshme që PDja do ankimonte vendimin e Komisionerit Celibashi dhe ashtu ndodhi. PD—ja apeloi vendimin e Komisionerit në Komisionin e Sanksioneve dhe Ankesave. Në këtë degëzim të KQZ-së votat ishin ndarë barazim, dy ishin kundër vendimit të Celibashit, ndërsa dy të tjerë pro. Ishte vota e ish-deputetit të PD-së Ilir Rusmajli që rrëzoi vendimin e Celibashit.
Ndonëse Rusmajli u shpreh se lista duhet të ishte me 153 kandidatë në votim, ai u rreshtua në krahun e opozitës, duke pranuar listën e PD-së me 222 kandidatë. Tashmë ishte radha e PS-së që do të ndiqte procedurat ligjore, pasi ishte kundër këtij vendimi. Përfaqësuesi i PS-së në KQZ, Eridian Salianji, apeloi vendimin e KAS-it në Kolegjin Zgjedhor. Dhe vetëm ditën e djeshme, Kolegji Zgjedhor i dha fund sagës së numrit të kandidatëve në lista, duke e lënë numrin maksimal 153 duke nxjerr nga gara 69 kandidatë të opozitës.
REAGIMI
Në përfundim të seancën në Kolegjin Zgjedhor përfaqësuesi i PS-së Eridian Salianji u shpreh se me vendimin e kolegjit nuk fitoi PS-ja, apo humbi PD-ja, por sipas tij kolegji barazoi skuadrat e garës.
Ndërsa nga ana tjetër, sekretari për çështjet zgjedhore i PD-së Ivi Kaso përmes një postimi në “Facebook” u shpreh se vendimi i Kolegjit Zgjedhor u ndikua nga politika. Megjithatë, ai tha se PD-ja e njeh vendimin.
“Vendimi i sotëm i Kolegjit Zgjedhor për listën e deputetëve nuk është vendim që respekton ligjin elektoral. Ndalimi i opozitës për t’u përfaqësuar në zgjedhje me lista të plota është i ndikuar politikisht nga interesi politik i partisë në pushtet. Jemi të keqardhur për këtë vendim që nuk i shërben ligjit dhe interesit publik, por ne besojmë se rezultati në fund të procesit zgjedhor do të tregojë se opozita është shumica politike në vend. Pavarësisht se vendimi i Kolegjit nuk është në përputhje me ligjin, ne do ta respektojmë atë dhe do të vazhdojmë betejën tonë për fitoren e zgjedhjeve në 25 prill, për t’u sjellë shqiptarëve ndryshmin që duan dhe meritojnë”, shprehet Kaso.
LISTA E KANDIDATËVE QË JANË PËRJASHTUAR
QARKU BERAT
Pranohet lista me kandidatët nga 1-9
Përjashtohen kandidatët:
Ermira Arizi
Muharrem Hoxha
Dhurata Gjoka
Oltion Këri
QARKU DURRËS
Pranohet lista me kandidatët nga 1-15
Përjashtohen kandidatët:
Aulon Kalaja
Armand Brahimaj
Arjeta Keci
Artjon Bajramaj
Ivo Jorgjoni
Edlira Devolli
QARKU ELBASAN
Pranohet lista me kandidatët nga 1-15
Përjashtohen kandidatët:
Erlind Gurra
Leonard Karaj
Sonila Daiu
Skënder Hasa
Megi Balliu
Ibrahim Sako
QARKU FIER
Pranohet lista me kandidatët nga 1-18
Përjashtohen kandidatët:
Ndriçim Bali
Aurora Gjeka
Roel Zoga
Bashkim Xhymertaj
Edmond Nushi
Aida Sema
QARKU GJIROKASTËR
Pranohet lista me kandidatët nga 1-6
Përjashtohen kandidatët:
Bajram Hysa
Ditar Hodaj
Engjelina Basho
QARKU KORÇË
Pranohet lista me kandidatët nga 1-12
Përjashtohen kandidatët: Arben Kambo Magdalena Hoxha Kiço Tane Landi Gushi Diana Sino Nikollaq Doku
QARKU DIBËR
Pranohet lista me kandidatët nga 1-6
Përjashtohen kandidatët:
Shaban Izvira
Denisa Vata
Jeton Kaloshi
QARKU KUKËS
Pranohet lista me kandidatët nga 1-3
Përjashtohen kandidatët:
Admir Sinamati
Demush Kastrati
Vjollca Vata
Festim Mazrreku
Merita Brati
Sokol Dida
QARKU LEZHË
Pranohet lista me kandidatët nga 1-9
Përjashtohen kandidatët:
Maksim Kola
Albert Mëlyshi
Leonora Ndreu
QARKU SHKODËR
Pranohet lista me kandidatët nga 1-12
Përjashtohen kandidatët:
Arben Lushaj
Ermira Kuluri
Zyhdi Reshketa
Astrit Kuci
Lindita Hyseni
Ditmir Harusha
QARKU TIRANË Pranohet lista me kandidatët nga 1-36
Përjashtohen kandidatët:
Mimoza Hajdarmataj
Rivelino Çuno
Bashkim Murati
Juela Hamati
Dhimtër Muslia
Havzi Ahmati
Irisa Çupa
Oneido Bushi
Vjola Hydi
QARKU VLORË
Pranohet lista me kandidatët nga 1-12
Përjashtohen kandidatët:
Lasko Nasti
Edmond Fetahu
Manjola Nikollo
Hysni Sharra
Afrovita Dhimojani
Eda Begaj
