Princi Harry dhe Princi William u bashkuan për herë të parë pas më shumë se një viti, në funeralin e gjyshit të tyre Princit Philip të shtunën dhe patën kështu mundësinë për të biseduar me njëri-tjetrin ndërsa u fotografuan teksa largoheshin dhe flisnin.
Sipas ekspertëve të gjuhës së trupit, William dhe Harry patën një bisedë të thjeshtë dhe absolutisht pa drama.
William thuhet se i tha Harry-t: “Po, ishte e mrekullueshme, apo jo”, dhe Harry thuhet se u përgjigj “Ishte ashtu siç e donte ai.” Me sa duket, William gjithashtu vuri në dukje se ishte një “shërbim absolutisht i bukur, ah, muzika”.
Kjo ishte hera e parë që Princi William dhe Princi Harry takoheshin ballë për ballë që nga intervista e Harry-t dhe Meghan-it me Oprah-n. Me sa duket, vëllezërit vazhduan të bënin një bisedë të gjatë paqeje edhe me babanë e tyre, Princin Charles.
Një burim thotë për The Sun se: “Është ende herët, por shpresojmë që ky të jetë pikërisht hapi i parë që Philip do të kishte dëshiruar”, dhe se “Nuk dihet se çfarë është thënë pas dyerve të mbyllura dhe kur kamerat ishin fikur”, por “Harry dhe William u shfaqën të përzemërt ndërsa kamerat ishin ndezur.”
Megjithatë, ka edhe disa raportime që thonë se Harry u përball me pak “ftohtësi” nga të afërmit e tij, konkretisht nga Princesha Anne, Princi Edward dhe gruaja e tij Sophie, të cilët thuhet se nuk folën me Harry-n para ose gjatë shërbimit të varrimit.
Por lajmi i mirë është se Harry dhe vëllai i tij duket se po rregullojnë marrëdhënien e tyre. Madje, Harry mund të qëndrojë në Londër më shumë sesa parashikohej, për të kaluar më shumë kohë me familjen e tij dhe të festojnë bashkë ditëlindjen e Mbretëreshës.
